عندما فقدت الثقه فى نفسى( فضفضه)

السلام عليكم

انا هفضفض فضفضه شخصيه معاكم

(ملحوظه موضوع طويل جدا اللى مش هيقدر يقرأه لطوله يستأذن ولا حرج عليه واللى عنده نصيحه ياريت ميبخلش عليا بيها واردود على الموضوع السابق ان شاء الله فى وقت لاحق بارك الله لكم فيكم)

مع احبابى

وعاوز منكم نصيحه لوجه الله العظيم

والبوست ده فضفضه وبس

يعنى كلام انا مش هرتبه ولا حاجه اللى عاوز ينصحنى ياريت ينصحنى

برفق ولين

علشان انا مش بافهم من اللى بيعنفنى

بحب الحنيه بجد فى النصيحه (زى ما هوبتى ما بتوق فى مدونتها)

وتذكروا

(ادعوا الى سبيل ربك بالحكمه والموعظه الحسنه)

انا اتعلمت من صديقى محمود(باحث عن حب)

الحنيه بجد فى التعامل

السلام عليكم

انا اسمى محمود

بحب الحياه وبحب اعمل كل حاجه فى الدنيا بدماغى

افكر بطريقه خاصه بيا وده اللى خلانى مختلف عن اللى حواليا ومحدش يفهمنى واذا طلب منى طلب كنت أأديه ولكن بطريقتى وتوحى للاخرين انى فااااااشل وبعد ذالك يظهر لهم انى اعمل بطريقتى ممكن ان تكون طويله وغير منطقيه ولكنها تؤدى الى نفس النتيجه

فى المسائل الرياضيه تلك فى الاعدادى والثانوى كنت اختار واحل باطول الطرق وليس اقصرها انا بأحب التفاصيل جدا جدا وبوصل لنفس النتيجه

وحتى لو موصلتش يكفينى شرف المحاوله

كنت بفضل الله الاول على معهدى(ازهرى )انا والحمد لله ازهرى

ابتدائى واعدادى وثانوى الاول على الفصل والمعهد فى كل السنوات بفضل الله

وفى حاله استغراب شديده جدا جدا جدا

من الاخرين لان تعاملى معهمم كان لايوحى بذالك اطلاقا

ناجح بفضل الله فى كل السنوات الا فى الثانويه

الازهريه واللى مش ازهرى مش هيحس بالازهرى ومعاناته فى مواده الكثيره والازهرى برضو مش هيحس بمعاناه صاحب الثانويه العامه فى معاناته فى مواده التى لا تتعدى اليد الواحده

المهم كل واحد فيه اللى مكفيه

المهم

لم يكن عندى طموح لكليه معينه مهما كانت كان اقصى طموحى كليه تربيه قسم رياضه او علوم

المهم طرأ على زهنى ان اعيد السنه حتى أأتى بالمجموع الكبير وعدت السنه رغما عن الاهل ولم يكون عندى طموح كبرى

واكرمنى الله بكليه هندسه برضو مش فى القاهره ولكن فى فرع الكليه فى (قنا)

وذهبت هناك ولن احكى تفاصيل حتى لا أرهق من يقرأها علشان انا مش عاوز حد يتخنق منى

ونجحت بفضل الله بمادتين مادتين كل الطلاب لازم يشيلوها فى الكليه(وصفيه وفيزياء)

المهم فى الامر انا تعبت جدا جدا جدا ف تلك السنه تعب ما بعده تعب

وكنت انتظر من الاهل التقدير لاكنهم عنفونى جدا جدا ليه لم أأتى بتقدير علشان ايه

اللى جابوا تقدير مش احسن منك

انت كنت بتلعب ومكنتش بتذاكر

(الاهل يبحونى جدا جدا ويعرفون اخلاقى جيدا وكان قصدهم ان يحفذونى دائما )

لم يقدر احد التعب اللى انا تعبته خالص

رغم فرحتهم بى

دخلت سنه اولى

ونزلت السنه على 3مواد منهم قرأن كريم

ونجحت العام اللى بعده بمادتين (يعنى انا اصلا مكنتش بأذاكر فى تلك السنه)

وحولت الى القاهره(هندسه الازهر بالقاهره)

ونزلت فى الفرقه التانيه السنه الاولى 8مواد والتاليه 4مواد حتى نجحت

والان انا فى الفرقه الثالثه اول سنه لى

وامتحاناتى على الابواب

هل انا فاشل؟

كل اصدقائى سبقونى واصبحوا مهندسين ودكاتره ومدرسين ومحامين

وكلهم شق طريقهم فى الحياه الا انا

انا لم يعد عندى طاقه علشان اكمل دراسه

وبفكر ادخل جيش وانسى الهندسه

طيب اللى نجحوا مش احسن منى

طيب انا ليه بعد الثانويه من سىء الى اسوء

ليس عندى اصدقاء الا اصحابى القدامى

ولم اصنع صداقات جديده

علشان مفيش ثقه فى اى حد

انا مليش فى المشى العوج ولا شرب السجاير ولا اى حاجه انا شاب بسيط للغايه

لم اعش قصه حب او ارتباط فليس للموضوع ده دخل فى اى حاجه

انا لا اثق فى الدكاتره النفسيين مش عارف ليه

انا بأجاوب على كل استفساركم وكل ما يدور فى العقول

انا طبعا متعقد علشان السن

وطبعا علشان مش بشتغل طبعا وباخد مصروفى من اهلى

(واجهت امى وابى ان احول الى كليه شرعيه)ففلم يرضوا قالوا اقعد فيها خمسين سنه

ومتسيبش الكليه دى

اصحابى قالوا لى متسيبهاش

طيب وايه اخريتها مش عارف

مليش نفس فى المذاكره ومخنوق علشان اللى فى مثل سنى اتجوز وخلف واشتغل

انا عاوز حتى اشتغل اى شغل مستعد بس اصرف على نفسى

الحاله الماديه مستوره والحمد لله

التحليل لما انا فيه من وجهه نظرى

انا خلاص اتجننت

اللهم صلى وسلم وبارك على سيدنا محمد وعلى اله وصحبه وسلم

اولا مشفتش تقدير من حد ومحدش وقف جنبى او اولانى ثقته ففقدت ثقتى فى نفسى

وكمان معديش حلم اعيش علشانه

وكمان انا تعبان من موضوع السن والشغل

طيب انا عاوز ايه؟

انا عمرى ماسألت نفسى السؤال ده خالص

مش عارف ليه؟

حلمى ايه

طموحى ايه

؟؟؟؟؟

مش عارف اصلا يعنى ايه طموح

انا

تعبان مدمر ولا هى هواجس

انا اتخنقت من نفسى

عاوز اعيد ترتيب بنائى من جوايا

ومش عارف حد يبنينى

انا اتخنقت منى خالص

ومش عارف اعمل ايه

الدنيا من حواليا سوده ومفيش امال ولا احلام

قلت الجأ الى الله بتوبه صادقه

وعملت المدونه دى علشان ربنا وعلشان افضفض لربنا واقوله انا تعبت منى خالص ونفسى ابدلنى للافضل

علشانك وعلشان حضره النبى

بدأت فى اصلاح نفسى

وبدأت باليقين بالله

بس انا برضو تعبان وحسن الظن بالله وحسن الظن بالناس

ولسه وحده وحده اللى انا بأتعلمه بجد بأكتبه ومش هيأس منى

بس بجد انا اتخنقت منى

أسف جدا

لطول معضلتى فانا مريض قلبيا فعليا بالمجاهده

ومريضا نفسيا اعترف

فلابد من الفضفضه

ولازم اكمل الطريق وابحث عن النجاح منتانى

والامل لسه لم يفقد

لم اكن اريد ان يعف الناس حقيقتى والستر الجميل

ولكنى موجووووووووووووووووووووووووووووووووووووووووووووووووووووووووووووووع بحق

ولاحول ولا قوة الا بالله

سترك يارب