الأحد، 8 أغسطس 2010

شهاده ميلاد قلب



السلام عليكم
اخوانى
ظروفى كانت لا تسمح بدخولى المدونه
اسف على تأخيرى على التعليقات
وان شاء الله هعلق
واسف على تقصيرى معكم
اعزكم الله
وكل عام انتم بخير بشهر رمضان المبارك
ان لله فى ايام دهركم لنفحات الا فتعرضوا لها
واهم نفحه وهديه ربنا اعطاها لينا
هى اننا مسلمين وموحدين بالله
وعلى رأى
باحث فى مدونه موجه(بين السماء والارض)
قال فيها بيتين حلوين اذكرهم هنا
ومما زادنى شرفا وتيها
وكدت بأخمصى
اطأ الثريا
دخولى تحت قولك يا عبادى
وان سيرت احمد لى نبيا
وتانى نفحه من رايى
هى شهر رمضان
الذى اوله رحمه واوسطه مغفره
واخره عتق من النار
الواحد بيعيش فى رمضان فى روحانيه غريبه خصوصا احنا يا مصريين
ودى من رأيى ثالث نفحه من ربنا اننا مصريين
اننا خير اجناد الارض كمان
رمضان ليه استعداد خاص فى المساجد وختم القرأن والصلاه
وفرح المساجد فى مصر كلها
وتلاقى اللى مش بيصلى طول السنه بيدخل المسجد ويجدد العهد مع ربنا
فى اللى بيثبت وفى اللى ينكس والذى ينكس انما ينكس على نفسه
ربنا لا يزيده تقواك ولا ينقصه معصيتك
ولكنه يريد الخير للعبد
فى اكتر من ان الشياطين تصفد فى رمضان
فى اكتر
من كده ايه تانى
الحجه بتاعتنا والشماعه اللى كنا بنرمى عليها الحمول خلاص فينيتو
عندنا ايه حجج تانى
فين الشماعه بقه
النفس الاماره بالسوء
(ان الله لايغير ما بقوم حتى يغيروا ما بانفسهم)
وخلى بالك
ربنا مش بيحطك فى موضوع الا
انت اهل ليه
هتقول الحر
والبنات فى رمضان مش بيهمها رمضان ولا غيره
ياعمنا
انت لو عاوز
تكون كويس
هتبقى كويس
بس انت من جواك مستحلى بس اللى انت فيه
تعالوا بقه نعمل بعض شهاده ميلاد لقلبنا قبل بدايه الشهر
شهاده ميلاد قلب
اختى الصغيوره اتصلت بيا وقالت لى انهات سمعت فى قناه عن موضوه شهاده الميلاد
دى
قلت انقلها ليكم بس
كل واحد يفكر بعقله
ويحسبها صح
قبل رمضان
توبه صادقه عن كل الذنوب ما علمنا منها وما لم نعلم
تواصل مع من انقطعت بنا صلته
مهما كانت اسباب
وخصوصا الارحام
رد المظالم
لان رب المظالم موجود
والباب مفتوح للتوبه
قرأه القرأن
مش علشان رمضان بس
لآ
علشان بعد رمضان
علشان رب
رمضان هو رب
كل الشهور
كل يوم حتى صفحه او نص صفحه المهم المداومه
وذكر الله كثيرا
والصلاه على سيدنا محمد صلى الله عليه وسلم كثيرا
وكمان مننساش المراقبه
مراقبه النفس فى الهمس والفكر
واكتر حاجه تعيق الوصول الى المحبوب الغيبه والنميمه لانها
تأكر فى الحسنات كما
تاكل النار الحطب
المحاسبه اليوميه
وقيام الليل
حتى ركتعين
المهم المداومه
شهاده ميلاد قلب
بعيد عن الغل والحسد
والكذب
والحقد
الى رب الملوب كلهم
سبحانه وتعالى
وان ننوى فى كل
عمل ان يكون ابتغاء مرضاه وجهه
وانه لاولاه سبحانه ما هدانا
نحمد ربنا اننا نفكر كده
علشان التفكير بالشكل ده نعمه
علشان فى غيرنا كتير قوى
بيفكر فى معصيته
سبحانه
وده الزاد الى الاخره
اانا بانصح نفسى
عسى ان اموت وان اكتب تلك السطور
اللهم انى اسالك م ن خير سألك من سيدنا ومولانا محمد صلىلا الله عليه وسلم
ونستعيذ بك من كل شر استعاذك منه سيدنا محمد صلى الله عليه وسلم
واخر
ودعوانا ان الحمد
لله رب العالمين

7 اللى شربوا من قطراتى:

mrmr يقول...

كل سنه وانت طيب

ساسو يقول...

راجعه تاني

غير معرف يقول...

السلام عليكم ورحمة الله وبركاته
كل سنه وانت طيب وبالف خير
جزاك الله خير
على كلماتك التى
تصل للقلب
اللهم صلى وسلم على سيدنا محمد
ربنا يجعله رمضان
خير على الامه الاسلاميه
ويهدينا يارب
دمت بخير

ساسو يقول...

كل سنه وانت بخير وسعاده وصحه وفرح وأمان وسلام يارب
ويارب يبقي اسعد رمضان
وكل الخير يبقالك

كلماتك بتريح جدا جدا جدا
وفعلا الواحد لازم يرضي ربنا دايما
لأن فعلا ( رب رمضان هو رب كل الشهور )

جزاك الله كل خير
وتقبل منا ومنك

رمضان كريم

داليـ ـ ـ ـ ـ ـ ــــا يقول...

جزاك الله خيرا على المحاضره الشيقه دى

وكل سنه وأنت طيوب

رمضان كريم

totahabib يقول...

كلماتك جميلة فعلا
جزاك الله خيرا وكل سنة وانت طيب

جايدا العزيزي يقول...

الله حسيت بطمئنان وسكينه

جزاك الله عنا كل خير


وتقبل منك ومنا

وغفر لك ولنا


ممكن اكون من المتابعين لكل مدوناتك


شكرا سبقتك لتغير رائيك


تحياتى