الأحد، 18 يوليو 2010

نويت اكون راجل




السلام عليكم
انا بطبعى
بهرب من كل
حاجه قدامى
بهرب من المسؤليه
بهرب من القاء اللوم عليا
بهرب
ان اقوم بعمل
أسأل عنه بعد كده
بهرب
انى اروح اماكن عامه بحس الناس كلها بتبص عليا
بهرب انى اقول لحد عندى امتحان
خوفا من سؤالى بعد الامتحان عملت ايه
بهرب
من انى اعرف النتيجه
اهرب انى امشى فى الشارع لحد يسألنى عنها
بهرب
انى اكون فى مقارنه بينى وبين اى حد
بهرب من نفسى كتير بالنوم والوخم
بهرب
من الناس بالوحده
بهرب من البنات بحجه انى ليس مؤل
بهرب من اصدقائى علشان
ميحملوش همى
بهرب منى مش عارف ليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انا بنى ادام مليش شخصيه
مليش هدف فى الحياه
مفيش ثقه بالنفس
مفيش احساس بالرجوله

مفيش حياه اجتماعيه
مفيش مواجهه حقيقيه

مفيش وقفه انسانيه
مفيش مواجه للحقيقه
مفيش محاوله للحل
مفيش استعداد لللاصلاح
مفيش حب للامل
مفيش ثقه فى الله
مفيش صدق
مفيش همه
مفيش اخلاص
مفيش عمل واجتهاد
مفيش
مفيش _______________________________________________
اذن فانا خاوى
ولا املك ولا اقوى على التغيير
اذن
فما
قيمتى فى الدنيا\
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ان اكون رجلا هو الحل
ان اتبع دينى الوسطى هو الحل
ان اواجه الامور


ان اتحمل المسؤليه
ان اواجه القاء اللوم عليا وان ادافع عن نفسى ولا اسكت

ان اقوم بالعمل بأكمل وجهه ولا اخشى لومه لائم


ان اثق فى نفسى وارضى عنها و اروح اماكن عامه افراح او حفلات

\ان اقوم بالواجبات المفروضه عليا

بأكمل وجهه

لا اخشى مقارنه بينى وبين اى حد لانى لا اكون فى ميزان واحد مع اى احد

لانى انا محمود ولا احد غيرى
مواجهه النفس وما اطال النوم عمرا ولا قصر فى الاعمار طول سهر


قررت ان اواجه الناس

وان اتحمل كل شىء وان اختلط

بهم

ـــــــــــــــــــــــــــــــــــــــــــــ

نويت اكون راجل

على حق

مسكتش

مكسرش عينى فى الارض


ارجع لله

واقوله

هتفرح بيا يارب

اعنى على نفسى وعلى اللى انا فيه

ــــــــــــــــــــــــــــــــــــــــــــــــــــــــــــــــــــــــــــــــــــــــ

يا اعنى ان ابنى شخصيتى من جديد

يارب ذكرنى ان الفشل ليس اخر المطاف واعنى على ان يكون هدفى فى الحياه هو رضاك

يارب اعنى على ان اثق بك قبل ان اثق بنفسى

او اثق بالناس

يارب اعن ان اكون رجلا بمعنى الكلمه

اعنى على الاجتهاد

واكرمنى بالاخلاص

واعنى على اتمام العمل الصالح ابتغاء مرضاه وجهك الكريم


اعنى على نفسى يارب


اعنى على مواجهه الامور يارب

وان ابدأ من جديد


يا كريم يا حليم

وصلى اللهم على سيدنا وملانا محمد وعلى اله وصحبه وسلم

7 اللى شربوا من قطراتى:

غير معرف يقول...

يعني اللي عاوز يسوي صداقة مع ست يبقى راجل على طول؟!!

Ramy يقول...

شوف يا محمود

انا يمكن كنت زيك فى حاجات

و مش زيك فى حاجات

بس صدقنى عارف انا اتغيرت كتير لما حبيت علشان كدة دايما بأشكرها

بسببها حسيت انى لازم اشد من نفسى لازم ابقى متحمل السئولية اكتر و الأهم من دة كله قربتنى من ربنا

فأكيد هتلاقى هدف جميل فى حياتك و ربنا بعتهولك علشان يفرح بيك

علشان هو حاسس انك عاوز تبقى أحسن

ربنا يكرمك دايما يا محمود و ربنا يكون راضى عنك دايما

mrmr يقول...

ازيك يا محمود
انا شايفه انك لقيت الحل
يبقى ما فيش مشكله ابدا معاك
كل كلامك عجبنى معدى قولك مافيش ثقه فى الله
كله كوم والنقطه دى كوم تانى
لو فقدت الثقه فى كل اللى محطين بيك لكن اوعى تفقد الثقه فى الله
تشدد وتشجدع لا تهرب ولا ترتعب لان الرب الهك معك حيثما تذهب
انت بكده عرفت طريقك ربنا يثبت خطوتك
وينور ليك الطريق
تمنياتى اليك بالسعاده


على جنب كده
اه يا سيدى طلعت متجوزه بس كنت خايفه انهم كونوا بيقفشوا المتجوزين البلوجرين والصعايده بالاخص هههههههههه

هى بس ما كنش فى مناسبه لمعرفه ظروفى الشخصيه

زهرة(جنى)الاسلام يقول...

السلام عليكم
لية حضرتك بتقول دة كلة على نفسك
متبصش للكباية الفاضية
بص لنص الكباية المليان
حضرتك ولله الحمد بدأت بخطوة ايجابية انك عاوز تغير نفسك
ودى اكيد خطوة رائعة
استمر فيها اخى

ساسو يقول...

صباح الفل يا محمود

بجد التغيير شئ جميل جدا ومطلوب
وبجد انت تنوي انك تتغير للاحسن وللأفضل دا اجمل شئ
بس ليه انت كنت شايف نفسك كده من الاول
خلي ايمانك بربنا كبير
وخلي ثقتك بنفسك كبيره
وخليك دايما متأكد انك احسن انسان ماشي علي الارض
انك راجل بمعني الكلمه
قادر انك تواجه اي حاجه
اي مشكله بنفسك وبتفكيرك هتقدر باذن الله تحلها
خليك دايما متأكد انك شخصيه قويه
ان ليك كلمه ورأي
انك تقدر تتأقلم مع الناس
حب الخلطه بالناس
مع مراعاه تجنب السوء
خليك دايما جرئ
ماشي ومش همك حد
اعمل علي أد ما تقدر كل شئ صح
حتي لوجه الله
حب نفسك
خلي احساسك انك انسان جميل دايما في بالك
ان ربنا خلقك في احسن صوره
واجمل وضع
اتغلب علي كل الصعاب
علي مشاكل الحياه
ولو شفت بعينك او سمعت اي اهانه من اي شخص
بجد اتأكد انك احسن منه
انه حقده هو اللي مخليه يتتريق عليك
لانه شايفك احسن منه في حاجات كتير

ارجع لربنا وادعيه
ادعيه بقلب صادق
وربنا مش بيتخلي عن عباده الصالحين

ربنا يوفقك
ويهديك للطريق المستقيم

ساسو يقول...

متغيب ليه
يارب يكون المانع خير
مرور للسؤال والاطمئنان

خابت بك ظنوني يقول...

تذكر دوماً أنك تعامل رب العباد
ولا تعامل العباد ...

لا تتوقف كثيراً للتفكير بل نفذ فوراً
فحت ىلو اخطأت ... فالأخطاء دوماً هي بداية الطريق الصحيح

يســـــــر الله لكم وأعانكم